Təkcə adanı özünlə apara bilməzsən...

Təkcə adanı özünlə apara bilməzsən... (film, 1980)

İnsan və təbiət, təbiətə məhəbbət, nadir heyvanların taleyi üçün narahatlıq. Təbii sərvətlərin, eyni zamanda ətraf mühitin qorunması-bütün bunlar bəşəriyyəti narahat edən vacib məsələlərdir. Ətraf mühit təbiətin konkret bir guşəsidir və insan onunla daim əlaqə saxlayır. Bu mühiti qorumaq, onun çirklənməsinin qarşısını almaq həyatımız qədər vacib və təxirəsalınmazdır. Filmdə bu problemlərə toxunulmuşdur.

Balaca Nailə(Ayan Mirqasımova) cəmi bir neçə günlüyə adaya, nənəsinin(Ketevan Boçorişvili) yanına qonaq gəlir. Lakin, bu qısa müddətdə çoxlu yeniliklər öyrənir, onun uşaq qəlbi gah kövrəlir, gah sevincdən coşub daşır: Nailə suitilərlə qarşılaşır, başqa yuvaya soxulmaq istəyən qağayının digər quşlar tərəfindən necə məhv edilməsinin şahidi olur.