Ömrün Səhifələri

Ömrün səhifələri (film, 1974)
Ömrün səhifələri
İntermediyada novelladan novellaya keçid edilir. Hadisələr bir restoranda oğlundan telefon zəngi gözləyən bir adamın(Şəmsi Bədəlbəyli) ətrafında baş verir. Və bu restoranda Fazil(Fazil Salayev), Eldəniz(Eldəniz Zeynalov), Baladadaş(Şamil Süleymanov), Fəxrəddin(Fəxri Həsənov) və.s obrazlar da vardır. Birinci novellanı telefon gözləyən kişiyə Fazilin özü danışır. İkinci novella Baladadaşın özünün yadına düşür. Üçüncünü isə Fəxrəddin danışır.
Rəqiblər
Novellada küçəyə qoyulmuş iki pivə köşkünün satıcıları arasındakı çəkişmələrdən və rəqiblər arasında bu çəkişmələrin xeyirxah hisslər doğurmasından danışılır.
Baladadaşın ilk məhəbbəti
Burada ilk məhəbbətin təmiz və ülviliyindən söhbət açılır. Lakin, təəssüf ki, bu məhəbbət təktərəfli olur və Baladadaş(Şamil Süleymanov) filmdəki mahnının sözlərindəki kimi hərəkət edir: "Sənə olan eşqimi sənə də alçaltmaram".
Nəğmə dərsi
Burada şəxsi həyatı müvəffəqiyyətsizliyə uğrayan gənc fəhlə oğlanın(Əliabbas Qədirov) I sinifdə oxuyan oğlu-Fəxrəddin(Fəxri Həsənov) ilə gizli görüşlərindən danışılır. Gənc ata oğlunu sevir, uşağın gələcək taleyi onu narahat edir. Bu qısa görüş zamanı o özünü oğluna istədir və uşağın da qəlbində ataya qarşı məhəbbət hissini oyatmağa çalışır.
Film valideynlərin öz uşaqları üçün məsuliyyət daşımaları haqqında həzin hekayətdir.