Gölməçələr... Dizə çıxan palçıq... - REPORTAJ

Yollar müxtəlifdir... Bizi hara aparmasından asılı olmayaraq ağlımıza, ilk növbədə, asfalt döşənmiş hamar, düz yol gəlir. Tovuzun bərbad yolları isə, ilk növbədə, sakinlərin mənzil başına sağ-salamat çatmaq həvəsini öldürür.

Ensiz küçə... Sıraya düzülən gölməçələr... Dizə çıxan palçıq... Və bir də çətinliklə yollarına davam edən sakinlər ... Bəli, yağışlı havada küçədə yaranan mənzərəni ancaq bu sözlərlə ifadə etmək olar.

Milli.Az TTV-yə (Region TV) istinadən xəbər verir ki, bura ilk baxışdan Venesiyanı xatırlatsa da, nəzərinizə çatdırım ki, Tovuzdayıq. Yusif Sadıqov adına olan küçədə. Övladlarının bu çətinliklərinə biganə qalmayan valideynlər özlərinə məxsus üsullarla mövcud vəziyyəti yüngülləşdirməyə çalışırlar. Bu görüntüləri isə şəhərin mərkəzində, avtovağzalda lentə aldıq.