Fabrik məhsulu kənd yumurtası adı ilə satılır

''Kəndfason'' və ''ekstra'' yumurta. Son vaxtlar piştaxtalarda yumurtalar bu adlarla satışa çıxarılır. Rəngi biraz sarı olan yumurtanı kənd yumurtası "cazibəsi" ilə "kəndfason", bir az iri olanı isə "ekstra" adı ilə müştəriyə təqdim edirlər. Qiymətləri kənd yumurtası və digər yumurtalarla müqayisədə münasib görən müştərilər isə buna aldanırlar. Bəs belə təşəbbüs istehlakçını aldatmaq deyilmi?

Yumurta alverçiləri "kənd yumurtası" cazibəsindən belə istifadə edir. ''Kəndfason'' adı ilə 13-14 qəpiyə satılan bu yumurta əslində fabrik məhsuludur.

"Ekstra" adlanan yumurtaların içində isə 2 sarı olur.

Qiyməti kənd yumurtasından ucuz olduğuna görə alıcıların ''Kəndfason'' yumurtaya marağı böyükdür.

Əsl kənd yumurtası isə minimum 20 qəpiyə satılır. Milli.Az xezerxeber.com-a istinadən xəbər verir ki, məsələyə münasibət bildirən Quşçular Cəmiyyətinin sədri Aydın Vəliyev bildirir ki, Azərbaycanda yumurtalar 3 növ olur. Çəkisi 50 qramdan aşağı, 50 qram və daha çox olan və 60 qramdan ağır yumurtalar. 2 sarılı yumurtalar isə az olur və kütləvi satışı müşahidə olunmur. Cəmiyətin sədri hazırda fabriklər tərəfindən yumurtaların topdan satışının 8 qəpikdən baha olmadığını bildirir.

Milli.Az