Süddən tikilən məscid...

TTV (Region TV) xəbər verir ki, Azərbaycanın qədim abidələrlə zəngin olan ərazilərindən biri də Tovuzdur. Rayonun Yuxarı Öysüzlü kəndində iki əsrlik tarixə malik məscid var. Tarixi memarlıq nümunəsi kimi qorunan bina haqqında əməkdaşımız Ceyran Ələkbərova danışacaq.

Yuxarı Öysüzlü kənd məscidi 19-cu əsrdə sakinlərin və bəylərinin birgə vəsaiti hesabına inşa edilib. Baxmayaraq ki, o vaxtdan iki əsrə yaxın bir dövr keçib tarixi memarlıq nümunəsi bu gün də öz unikal görünüşü ilə seçilməkdədir. Məscidin kümbəz hissəsində "Qurani Kərim"dən ayələr yer alıb. Bir özəlliyi də odur ki, davamlılığını təmin etmək məqsədilə inşaat işlərində xüsusi məhsullardan istifadə olunub. Tarixi memarlıq nümunəsi Mədəniyyət və Turizm Nazirliyinin xüsusi mühafizə olunan binalar siyahısına daxil edilib.

Milli.Az