Azərbaycanda fəlakət "qoxan" məktəb

2015/2016-cı tədris ilinin əsas hissəsi arxada qalıb. Bir çox məktəblərin kollektivi tədris ilini təmirsiz və qəzalı şəraitdə davam etdirməyə məcburdur. Onların sırasında şəhid Nicat Həsənov adına Masallı rayon Göyəçöl kənd tam orta məktəbin və İmişli rayonu Aslan Əminov adına 7 saylı orta məktəbin binası da var.

Milli.Az bildirir ki, bu barədə bir qrup valideynin bizimyol.info-ya ünvanladığı müraciətdə bildirilir. Müraciətdə yararsız vəziyyətdə olan məktəb binalarının tədrisin keyfiyyətinə mənfi təsir etdiyi vurğulanır. Çünki məktəblərdə verilən təhsilin keyfiyyəti qədər onun hansı şəraitdə verilməsi də önəmlidir.