Sevastopolda türk əsgərlərinin memorialı dağıdıldı

Sevastopolda türk əsgərlərinin memorialına qarşı vandalizm aktı törədilib.

Milli.Az Report-a istinadən bildirir ki, bu barədə Krım azərbaycanlıları icmasının rəhbəri Rəhim Hümbətov məlumat verib.

Onun sözlərinə görə, qəbirüstü ulduz və aypara iti alət vasitəsilə hissələrə kəsilərək sındırılıb.

R.Hümbətov xatırladıb ki, bu, artıq türk əsgərlərinin xatirə abidəsi üzərində edilmiş üçüncü vandalizm faktıdır. İlk dəfə belə bir hal 2014-cü ilin oktyabrında baş vermiş, sonradan abidə üzərində təmir işləri aparılmışdı.