Bir ailənin 3 üzvü zəhərləndi 403111

Saatlıda bir ailənin 3 üzvü qidadan zəhərlənib.

Milli.Az APA-ya istinadən bildirir ki, rayonun Sarıcalar kənd sakinləri - bir ailənin üzvləri olan 59 yaşlı Mədinə Ədim qızı Abbasova, 26 yaşlı Zümrüd Şakir qızı Əzgərova və 5 yaşlı Zəhra Yusif qızı Əsgərzadə qidadan zəhərlənmə diaqnozu ilə Saatlı Mərkəzi Rayon Xəstəxanasına yerləşdiriliblər. Onlara lazımi tibbi yardım göstərilib. İlkin ehtimala görə, ailə üzvləri mağazadan aldıqları ərzaqdan zəhərləniblər.

Faktla bağlı araşdırma aparılır.

Milli.Az