Yol nişanları piyadalara maneə yaradır

Paytaxtın bir çox ərazilərində yol nişanları düz piyadalar üçün olan səkinin ortasına vurulur. Üstəlik bu nişanlar alçaqdan vurulur. Milli.Az xezerxeber.com-a istinadən xəbər verir ki, nəticədə piyadalar məcbur qalıb avtomobil yolu ilə hərəkət edirlər. Əks halda əyilib nişanın altından keçməlidirlər. Belə hallardan biri də Nobel prospektindədir.

Səkinin ortasında vurulmuş yol nişanı piyadaların gediş gəlişinə mane olur.

Hətta bəziləri bu nişana görə səkidən çıxıb avtomobil yolu hərəkət etməli olur.

Paytaxtın bir çox ərazilərində bu hala nümunə kadrlar Nobel prospekti 15 ünvanındandır. Yolun sağ tərəfindəki səkiyə vurulmuş bütün nişanlar piyadalar üçün təhlükə yaradır. Səbəb nişanların səkidə olması və xeyli alçaqda olmasıdır.

Piyadalar məcburdular ya səkini qoyub yoldan istifadə etsinlər, ya da nişanın altından keçsinlər.

Qaydalara görə nişanlar yollarda həm yerləşmə hündürlüyünə görə, həm də yolun hərəkət hissəsinə olan məsəfəsinə görə müəyyən ölçülərdə olmalıdır.

Digər meyarlara görə isə, nişanlar tətbiq edilərkən yol iştirakçılarının təhlükəsizliyi də nəzərə alınmalıdır.