Rusiyada borca görə azərbaycanlının iki yaşlı övladı yandırılıb

Rusiyanın Ulyanovsk vilayətində azərbaycanlının evinə "molotov kokteyli" atan şəxs yaxalanıb. Milli.Az APA-ya istinadən bildirir ki, hüquq-mühafizə orqanlarının keçirdiyi əməliyyat axtarış tədbirləri nəticəsində qəddar cinayəti törətməkdə təqsirli bilinən Dmitri. E. adlı şəxs tutulub.

Onun barəsində "Qəsdən adam öldürməyə cəhd" maddəsi ilə cinayət işi açılıb, araşdırma aparılır.
Saxlanılan şəxsin keçmiş polis əməkdaşı olduğu, 2008-ci ildən Daxili İşlər Nazirliyi orqanından oğurluğa görə xaric olunduğu bildirilib.