"Mən taksi kimi getmişəm, heç nədən xəbərim olmayıb" - Saxlanılan şəxs

Paytaxtda oğurluqda şübhəli bilinən şəxslər tutulub.

Milli.Az Region TV-yə istinadən xəbər verir ki, Bakı şəhər sakinləri, 22 yaşlı Tamerlan Məmmədov, 20 yaşlı Zöhrab Məmmədov və Beyləqan rayon sakini 23 yaşlı Qarakişi Əliyev saxlanılıblar. Müəyyən edilib ki, onlar yanvarın 10-na keçən gecə, 33 nömrəli poçtun pəncərəsinin dəmir barmaqlığını sındırıblar və oradan içərisində 110 manat, 200 ABŞ dolları və poçt markaları olan seyf oğurlayıblar.

Bundan əlavə 3 saylı poçtun 123 saylı filialından müxtəlif regionlardan gəlmiş, vətəndaşlara məxsus 100 ədəd bağlama oğurlayıblar.