Texniki kartof insanlara satılır?

Bəzi kütləvi informasiya vasitələri Azərbaycana emal məqsədi ilə gətirilən və heyvanlara yem üçün nəzərdə tutulan kartofun bazarlarda insalara satılması ilə bağlı xəbər yayıb.

İddiaların gerçək olub olmadığını, İran və Rusiyadan gətirilən kartofların tərkibini mütəxəssislərlə birlikdə yerində yoxladıq. Milli.Az xezerxeber.com-a istinadən xəbər verir ki, mobil testerlə yoxlamanı aparan Dövlət Fitosanitar Nəzarəti Xidmətinin Toksikologiya Laboratoriyasının direktoru Yaqub İbrahimovun sözlərinə görə kartofun tərkibində nitratın miqdarı maksimum 250 milli qram ola bilər. Yaqub İbrahimovun sözlərinə görə ölkəyə emal məqsədi ilə kartof idxal edilmir.

Onun sözlərinə görə ərzaq üçün gətirilən kartoflar taksikoloji rəy verildikdən sonra satışa çıxarılır. Alıcılar kartofun tərkibindəki nitratın miqdarının normaya uyğunluğundan əmin olmaq üçün satıcılardan taksikoloji rəy də tələb edə bilər.