"Bu limonları yeyəndən sonra dərman istifadə etmirəm"

Tovuzda yetişdirilən bu ağac 150 kiloqramadək məhsul verir. Meyvəsinin çəkisi isə 1-2 kq-dır. Söhbət bu rayon üçün xarakterik olmayan Hindistan sortu limonlardan gedir.

Görünüşünə görə cənub zonasında yetişdirilən subtropik bitkidən fərqlənən bu limonu Tovuzun Əyyublu kəndində becərirlər. Kənd sakini Cahangir Sadıqov ağacın tingini illər öncə dostundan alıb. Ağac ilin bütün fəsillərində bar verir. Bu limonlar ürək-damar xəstələri üçün xüsusilə faydalıdır.