Evi yandırmaq istədilər - "Bizə borcu olan adamdan şübhələnirik"

Naməlum şəxslər əvvəlcə qonşudakı kameraları kağızla bağlayıblar.

Abşeron rayonunda evə hücum edən şəxslər onu yandıraraq qaçmaq istəyiblər. Bu istəklərinə nail olmayınca başqa əmələ əl atıblar.

Milli.Az Region TV-yə istinadən xəbər verir ki, hadisə Saray qəsəbəsi, Adil Mənsimov 15 ünvanında yaşayan Şiruyə Azadəliyevaya məxsus evdə baş verib. Gecə saatlarında həyətdəki itin səsinə oyanan ev sahibləri nə baş verdiyini öyrənmək üçün həyətə çıxıblar. Həyətdə isə avtomobillərinin yandığını görüblər.